Almas Aıtmuqash: Prezıdent azamattardyń ómir súrý sapasyn arttyrýǵa basa nazar aýdaryp otyr
«Sońǵy ýaqytta bolǵan oqıǵalar eldiń kem-ketigin aıqyndaı otyryp, syn-saǵattaǵy kúshimizdiń berik ekendigin kórsetti. Biz budan sabaq alýymyz kerek. Memleket basshysy Qasym-Jomart Kemeluly «Qıyndyqty óńgerdik, endigisi - alǵa maqsattar qoıý, josparlardy oryndaý» dedi. Shynymende el tarıhynda buralań tustar kóbeıip ketti. Prezıdentimiz jańa Qazaqstannyń jańa reformalaryn júzege asyrýǵa tapsyrma berdi», - dedi Almas Aıtmuqash.
Onyń aıtýynsha, Qasym-Jomart Toqaevtyń Parlament Májilisiniń otyrysynda aıtqan bastamalary halyqqa kóp úmit syılady. Eldegi azyq-túlik, jumyssyzdyq, qymbatshylyq máseleleleri aldaǵy ýaqytta tolyǵymen sheshimin tabatynyna senim uıalatty.
«Sebebi azamattardyń ómir súrý sapasyn arttyrýǵa basym nazar aýdarylyp otyr. Bul rette ekonomıkalyq saıasattyń maqsaty aıqyn. Prezıdent zaman-talabyna saı áleýmettik baǵdary bar, naryqtyq ekonomıka qurý jáne damytý qajettigin málim etti. Negizgi mindetterdi oryndaý arqyly qıyndyqty eńserip, jeńiske jetýimiz kerektigin jetkizdi. Qasym-Jomart Toqaev jastardyń jumyssyzdyq máselesine de toqtaldy. Respýblıka kóleminde jumyssyz jastardyń úlesi 3,7%-dy quraıdy. Bul máseleniń aldyn-alý úshin naqty jobalardyń, baǵdarlamalardyń oryndalýyn qadaǵalaýdy tapsyrdy.
Jumyssyzdyqtyń azamattardyń áleýmettik turǵydan qalyptasýyna úlken kedergi keltiretindigi sózsiz. Endi árqaısymyz jurt bolyp jumylyp, el bolyp eńbek etýimiz asa mańyzdy dep bilemin, - dedi «Jas Otan» Jastar qanaty Shyǵys Qazaqstan oblystyq fılıalynyń tóraǵasy.
