Almanııada shirkeý meshitke aınaldy
ASTANA. 17 mamyr. QazAqparat - Gambýrg qalasynyń musylmandary 2002 jyly qarjylyq qıynshylyqtarǵa baılanysty jabylyp qalǵan Kapernaým shirkeýin qaıta jóndep, meshitke aınaldyrý jumystaryn bastap ketti,
dep habarlaıdy Qazaqstan musylmandary dinı basqarmasynyń saıty islam-today-ǵa silteme jasap.
10 jylǵa jýyq turalap qalǵan shirkeýdi 600-ge jýyq turaqty kelýshileri bar «Án-Nur» Islam ortalyǵy óziniń ıeligine alǵan eken.
Kúrdeli jóndeý jumystaryna bir mıllıon eýro bólinipti. Atalǵan meshit aǵymdaǵy jyldyń qazan aıynyń basynda ashylady dep kútilýde.
