Almaly aýdanynyń turǵyndary eski úılerdi súrýge túsinistikpen qarady – Saǵyntaev

ALMATY. QazAqparat - Almaty ákimi Baqytjan Saǵyntaev megapolıs aýdandarynyń turǵyndarymen kezdesýdi jalǵastyrýda, dep habarlaıdy QazAqparat tilshisi.

«Kezekti kezdesý kezinde Almaly aýdanynyń turǵyndary ýaqyt pen qarjylyq shyǵyndy qajet etetin mindetterdi iske asyrýǵa túsinistikpen qarady. Olar — eski úılerdi súrý, bala baqshalardy jóndeý jáne mektepter janynan qosalqy nysandar salý. Jaıaý júrginshiler aýmaǵy men demalys oryndaryn keńeıtý boıynsha jumystardy odan ári jalǵastyrý usynyldy», - dep jazdy Almaty ákimi Baqytjan Saǵyntaev instagram paraqshasynda.

Kezdesý barysynda túrli máseleler kóterildi.

«Óte mańyzdy ótinish aıtyldy, ıaǵnı qalaǵa ınsýlttan ońaltý ortalyǵy qajet. Bul másele zerttelý ústinde. Maqsat — Almatyda zamanaýı kópbeıindi medıtsınalyq keshen salý»,- dedi qala basshysy.

Saǵyntaevpen kezdesýge egde jandar kóp keldi.

«Kezdesý kezinde ár úıge jaýapty úlkender belsendilik tanytty. Bul árıne, jaqsy, óıtkeni olar oryn alǵan problemalardy jáne olardy sheshý joldaryn biledi, turǵyn úıler men aýlalardyń jaǵdaıyn qadaǵalaıdy, PIK-terdiń jumysyn jaqsartýǵa yqpal etedi. Jumystyń mundaı úlgilerin taratý qajet»,-dep jazdy ákim.