Alma TV-nyń jalǵyz aktsıoneri bankrot dep tanyldy
ALMATY. QazAqparat - Alma TV-nyń jalǵyz aktsıoneri «Asset Invest» JShS bankrot dep tanyldy, dep habarlaıdy QazAqparat tilshisi.
Almaty aýdanaralyq mamandandyrylǵan ekonomıkalyq sotynda Alma TV televızııalyq kompanııasynyń 100 paıyz aktsııasynyń ıesi «Asset Invest» JShS bankrotqa ushyraý týraly isi qaraldy.
Sotqa DSFK arnaıy qarjy kompanııasy aryzdanǵan. Atalǵan kompanııa RBK bankiniń nashar aktıvterin basqarýmen aınalysady. «Kompanııa ókilderi aryzynda «Asset Invest» JShS RBK bankine 22 mlrd teńge bereshek dep kórsetken. Sondaı-aq, Asset Invest JShS Qazaq Bankine 8 mlrd teńge qaryz», - dedi isti qaraý kezinde sýdıa Arman Turǵynbaev.
Іs materıaldaryna sáıkes, «Asset Invest» JShS ártúrli kompanııalarǵa 40 mlrd teńgedeı qaryz.
Qazaq Banki ókili Murat Daýletov «Asset Invest» JShS-yn bankrot dep tanymaýdy ótindi.
Onyń aıtýynsha, kompanııada Alma TV-da jumys istep turǵan aktsııalary bar.
Prokýror Janna Keldınova jábirlenýshi tarapty qoldady.
Nátıjesinde sot DSFK «Asset Invest» JShS-yn bankrot dep taný týraly aryzyn qanaǵattandyrdy.
Sot kompanııany basqarý quqyǵyn ýaqytsha basqarýshy Ospanbekovke tabystady.
«AlmaTel Qazaqstan» kompanııasy habarlaǵandaı, qazir kompanııa shtattyq rejimde jumys jasap jatyr.
