«Alma» otbasylyq demalys fesstıvali balalardy qýanyshqa bóledi
ALMATY. 6 maýsym. QazAqparat /Ádilet Musahaev/ - 4-5 maýsym kúnderi Almatyda «JUNEX» balalar taýarlary men olarǵa arnalǵan qyzmet túrleriniń kórme-jármeńesi jáne «Alma» otbasylyq demalys fesstıvali ótti.
1200-den astam almatylyqtar men qala qonaqtary qatysqan bul shara 1 maýsym - Halyqaralyq balalardy qorǵaý kúnine arnaldy.
Merekelik sharany uıymdastyrǵan - qazaqstandyq jetekshi kompanııa - «Expo.kz» JShS. Al jobanyń basty áriptesi retinde «Rıtts-Palas» saýda-oıyn-saýyq kesheni demeýshilik kórsetti.
«JUNEX 2011» balalarǵa arnalǵan taýarlar men qyzmet túrleriniń kórme-jármeńkesi Qazaqstanda birinshi ret ótkizilip otyr. Sharanyń biregeıligi sol: alǵashqy ret balalarǵa arnalǵan taýarlar men qyzmet túrleri bir alańǵa shyǵaryldy. Ata-analar ýaqyttaryn tıimdi ári kóńildi ótkize otyryp, óz balalaryna eń jaqsy ári ekologııalyq qaýipsiz taýarlar alýǵa múmkindik aldy.
Atalǵankórmege Qazaqstannyń, Reseıdiń jáne Eýropanyń taýarlaryn usynǵan 16 kompanııa qatysty. Atap aıtqanda: Desiderio furniture club, Bio-butik Telli, APS Investment, "Karapuz" JShS, Baby-in-Car.kz, «Taımıng» JShS, Detskij mir «Erke» jáne t.b. sııaqty bedeldi kompanııalar boldy.
Kórme «Tazalyq pen kosmetıka», «Kıim, aıaq kıim jáne aksessýarlar», «Jıhaz jáne ınterer jabdyqtary», «Oıyndar men oıynshyqtar, olardyń ishinde - oqytatyn oıyndar», «Balalar qaýipsizdigi», «Tamaq» sektsııalary boıynsha ótti.
Budan basqa, «JUNEX» kórmesiniń aıasynda jaqsy dástúrge aınalǵan shara - «Alma» 7-shi otbasylyq demalys festıvali ótkizildi. Bul joba jyl saıyn Almatyda uıymdastyrylady. «Alma» aıasynda búldirshinder sheber synyptarǵa qatysyp, sýretshi, fotograf nemese ataqty ánshi, bıshini somdap, saıahatqa shyǵý erejeleri men baǵbandyqtyń egjeı-tegjeıimen tanysa aldy.
Al satylǵan bıletterden túsken qarjynyń negizgi bóligi Almaty qalasyndaǵy Balalar úıleriniń biriniń esepshotyna aýdaryldy.
