Alma Fest-2025: Jármeńkege 50 fermer 100 tonna alma ákeldi
ASTANA. KAZINFORM — Alma Fest-2025 Almaty kúnine oraı 100 myńǵa deıin qonaq qabyldaıdy. Dástúrli festıval bıylda jalǵasyn tapty. Bul týraly Almaty qalasynyń ákimdigi habarlady.
Shara qalanyń mol ónimin jáne mádenı alýandyǵyn beıneleıtin mereke retinde Tuńǵysh Prezıdent saıabaǵynda ótti. Festıvalge Almaty ákimi Darhan Satybaldy qatysty.
— Ádettegideı saıabaq aýmaǵy aýqymdy egin merekesi men ulttyq dástúrler alańyna aınaldy. Qonaqtar úshin alma jármeńkesi, etnoaımaq, qolóner buıymdarynyń bazary, gastronomııalyq alańdar, sporttyq jarystar jáne túrli oıyn-saýyq baǵdarlamalary uıymdastyryldy. Jármeńkege 50 fermer shamamen 100 tonna alma ákeldi. Kúni boıy festıvaldi 100 myńǵa jýyq adam tamashalaıdy dep josparlanǵan, — dep jazdy ákimdiktiń resmı saıty.
Mýzykalyq baǵdarlamany belgili dıdjeılerdiń setteri súıemeldese, mereke keshki ýaqytta úlken kontserttik baǵdarlamaǵa ulasady. Sahnaǵa TURAR, Astra, Dos-Mýkasan, Karına Abdýllına ı Royals Band syndy tanymal óner juldyzdary shyǵady.
Alma Fest-2025 — Almatynyń mýzyka, dástúr, gastronomııa jáne otbasylyq demalysty bir arnaǵa toǵystyrǵan kúzdiń eń jarqyn oqıǵalarynyń birine aınalmaq.
Aıta keteıik, buǵan deıin almatylyqtar qala kúnin atap ótip jatqanyn jazǵan bolatynbyz.