Alma-Arasanǵa aparatyn jol bir aıǵa jabylady

ALMATY. KAZINFORM — Alma-Arasan mańyndaǵy turaqtan radon bulaqtaryna deıingi jol 3 maýsymnan 3 shildege deıin jabylady. 

Almaty ákimdigenen málim etkendeı, ýaqytsha shekteý kelýshiler úshin qurylys-montaj jumystarynyń qaýipsiz ári yńǵaıly oryndalýyn qamtamasyz etý úshin qabyldanyp otyr. 

— Ekinshi kezeń aıasynda eski kópir qurylymdaryn buzyp, jańasyna aýystyrý, jańa soqpaqtar, baspaldaq elementteri men kóriktendirý nysandary ornatylady. Shekteý bulaq jaǵynan «Qyzdyń kóz jasy» sarqyramasy men «Terra» alqabyna baratyn jolǵa da qatysty, - dep habarlady ákimdikten. 

Esterińizge sala keteıik, mamyr aıynan bastap aldyn ala daıyndyq jumystary júrgizilgen bolatyn. 

Aıta keteıik, jumys, demalys jáne mereke kúnderi de jol tolyqtaı jabyq bolady. Jóndeý jumystaryn 31 shildege deıin aıaqtaý josparda tur. Jobanyń maqsaty – qazirgi zaman talabyna saı qaýipsiz, yńǵaıly jáne ekologııalyq turaqty týrıstik baǵyt qalyptastyrý.

Osyǵan deıin Alma-Arasan shatqalyna aparatyn jol jóndeletini týraly jazǵanbyz. 

Sondaı-aq tolassyz jaýǵan jaýyn saldarynan jardan tas qulaǵan bolatyn.