Alma-Arasandaǵy radon bulaqtaryn keshendi jańǵyrtý jumystary qashan aıaqtalady

ALMATY. KAZINFORM – Alma-Arasan turaǵynan radon kózine deıingi baǵytty keshendi jańǵyrtý jumystary qarqyndy júrip jatyr.

Joba aıasynda radon bulaǵynyń ınfraqurylymyn jańartý, betkeılerdi nyǵaıtý, kópirlerdi qaıta jóndeý, sonymen qatar jol boıyn kóriktendirý – jańa tósenishter, baspaldaqtar men demalys oryndaryn ornatý jumystary qamtylǵan.

– Bulaq mańynda taý jynystarynyń qulaýynan qorǵaný jumystary júrgizilip jatyr. Oǵan ónerkásiptik alpınıster tartyldy. Týrısterdiń qaýipsizdigin qamtamasyz etý maqsatynda turaqsyz taý jynystarynan betkeılerdi tazartý kózdelip otyr. Sonyń ishinde tastardy synyq temirler men gıdroquraldardy paıdalanyp, qolmen túsirý jumystary júrgiziledi, – dep habarlady Almaty qalalyq Týrızm basqarmasynan.

Jańǵyrtý jumystary shilde aıynyń sońyna deıin aıaqtalady. Degenmen keıbir jumystardyń merzimi aýa raıynyń jaǵdaıyna baılanysty ózgerýi múmkin.

– Barlyq jumys aıaqtalǵannan keıin bul marshrýt anaǵurlym qaýipsiz, jaıly ári ekologııalyq taza bolady. Qala turǵyndary men qonaqtarynan saparlaryn josparlaý kezinde ýaqytsha shekteýdi eskerýlerin suraımyz. Jumystyń barysy men ýaqytsha jabylýlar týraly aqparat qosymsha jarııalanady, – dedi habarlady qalanyń Týrızm basqarmasy.

Eske salaıyq, jańǵyrtý jumystary osy jyldyń 12 mamyrynda bastalǵan bolatyn. 

Osyǵan deıin Alma-Arasan shatqalyna aparatyn jol jóndeletini týraly jazǵanbyz. 

Sondaı-aq tolassyz jaýǵan jaýyn saldarynan jardan tas qulaǵan bolatyn.