Alma-Arasanda radon bulaqtaryn keshendi jańǵyrtý bastaldy

ALMATY. KAZINFORM – Búgin, 13 mamyrdan bastap Alma-Arasan turaǵynan radon kózine deıingi baǵytty keshendi jańǵyrtý jumystary bastaldy.

Almaty ákimdigenen málim etkendeı, joba bastapqy ınfraqurylymdy jańartýdy, betkeılerdi nyǵaıtýdy, kópirlerdi qaıta qurýdy jáne jańa palýbalar, baspaldaqtar men demalys oryndaryn ornatýmen búkil joldy abattandyrýdy qamtıdy.

– Bulaq aýdanynda ónerkásiptik alpınısterdiń qatysýymen tas qulaýynan qorǵaý jumystary júrgiziledi. Týrısterdiń qaýipsizdigin qamtamasyz etý maqsatynda taý jynystarynyń turaqsyz fragmentterinen, sonyń ishinde synyqtar men gıdroquraldardy paıdalana otyryp, tastardy qolmen tógýdi qosa alǵanda, betkeılerdi tazartý júrgiziledi,– dep habarlady ákimdikten.

Alańy shamamen 200 sharshy metr betkeı beti trostarmen tartylǵan metall torlarmen qosymsha nyǵaıtylady, bul taý massalarynyń turaqtylyǵyn arttyrýǵa jáne qulaý qaýpin azaıtýǵa múmkindik beredi.

13 mamyrdan 3 maýsymǵa deıin radon bulaqtary jumys kúnderi saǵat 09:00 — den 18:00-ge deıin jabylady.

3 maýsymnan 3 shildege deıin eski kópirlerdi bólshekteýge, jańa soqpaq ýchaskelerin jáne baspaldaqtardy ornatýǵa baılanysty, radon bulaqtaryna deıingi jaıaý júrginshiler joly jumys kúnderi tolyq jabylady.

Demalys kúnderi jumys jalǵasýy múmkin jekelegen aımaqtardy qospaǵanda, kirý ashyq bolady.

Jańartý jumystaryn aıaqtaý 31 shildege deıin josparlanyp otyr. Bul rette jekelegen jumystardyń merzimderi yqtımal aýa raıy jaǵdaılaryna baılanysty ózgerýi múmkin.

— Qala turǵyndary men qonaqtarynan sapardy josparlaý kezinde ýaqyt shekteýlerin eskerýlerin suraımyz. Jumys barysy jáne ýaqytsha jabylý týraly aqparat qosymsha jarııalanatyn bolady. —dep atap ótti ákimdikten.

Osyǵan deıin Alma-Arasan shatqalyna aparatyn jol jóndeletini týraly jazǵanbyz.

Sondaı-aq tolassyz jaýǵan jaýyn saldarynan jardan tas qulaǵan bolatyn.