Alma-Arasan shatqalynda taýdan tas qulady
ALMATY. KAZINFORM – Tolassyz jaýǵan nóser jaýynnan keıin Almatynyń Alma-Arasan shatqalyndaǵy jardan tas qulady.
Oqıǵa kezinde saýyqtyrý kesheniniń aýmaǵynda demalýshylar bolǵan. Olardyń biri vıdeoǵa túsirip, áleýmettik jelige jarııalady. Saldarynan kelýshilerge arnalǵan kúrke qurylysy búlinip, kıim aýystyratyn bólmeniń bir bóligi zaqymdanǵan.
Orman sharýashylyǵy jáne janýarlar dúnıesi komıteti komıteti, oqıǵa 2 mamyr kúni saǵat 16:10 shamasynda Alma-Arasannyń (Prohodnoe shatqaly) radondy bulaqtarda bolǵanyn atap ótti.
– Іle Alataýy memlekettik ulttyq tabıǵı parkiniń ınspektorlary atalǵan jerge jedel shyǵyp, aýmaqty tekserý jáne tas qulaǵnnan keıingi saldaryn baǵalaý jumystaryn uıymdastyrdy. Radon kózi ornalasqan 31,8 gektar jer ýchaskesi Іle Alataýy memlekettik ulttyq tabıǵı parkiniń orman qory jerlerine jatpaıtyny anyqtaldy, – dep túsindirdi vedomstvodan.
2014 jyly júrgizilgen orman qalyptastyrý jumystary boıynsha, sondaı-aq 2023 jyly «Azamattarǵa arnalǵan úkimet» memlekettik korporatsııasy KEAQ fılıaly usynǵan hat pen kartaǵa sáıkes, radon kózderi Almaty qalasynyń Bostandyq aýdany men Almaty oblysynyń aýmaǵynda ornalasqan.
Aıta keteıik, Almatyda 2025 jyly Úlken Almaty shatqalynyń eń kórnekti nysandarynyń biri – «Alma-Arasan» radon kózin rekonstrýktsııalaý josparda.
Sondaı-aq Alma-Arasan shatqalyna aparatyn jol jóndeletini týraly jazǵanbyz.