«Allianz Kazahstan» saqtandyrý kompanııasy endi «Kompetens» dep atalatyn boldy
ALMATY. 10 mamyr. QazAqparat - «Allianz Kazahstan» saqtandyrý kompanııasy» AQ-nyń ataýy ózgerdi. Endi ol «Kompetenz» saqtandyrý kompanııasy dep atalmaq.
Almatyda 14 mamyr kúni kompanııa basshylary aktsıonerlik qoǵamnyń 2011 jylǵy qyzmetiniń aýdıttelgen nátıjelerin jarııalamaqshy. Onda «Kompetenz» jańa brendin damytýdyń keleshegi men Qazaqstan saqtandyrý naryǵynyń jańa máseleleri de sóz bolǵaly otyr. Onda myna jaıtter jan-jaqty talqyǵa túsedi dep josparlanýda: Qazaqstanda apatty jaǵdaılardan saqtandyrýdyń máseleleri men keleshegi; Saqtandyrý qyzmeti týraly zańǵa engiziletin ózgeristerdiń Qazaqstandaǵy saqtandyrý naryǵyna yqpal etý múmkindigi; Memlekettiń jáne saqtandyrý sektorynyń ózara yqpaldastyǵy; Saqtandyrý salasyndaǵy qazaqstandyq jáne halyqaralyq statıstıka.
«Kompetenz» saqtandyrý kompanııasy Qazaqstan naryǵynda «Allianz Kazahstan» ataýymen 1999 jyldan beri jumys jasap keledi. AlliansSET toby onyń 100 paızy aktsııa paketin ótken jyldyń aıaǵynda Janar Qalıevaǵa satqan bolatyn.
