Allergııasy bar adam vaktsınaǵa qalaı daıyndalýy kerek
NUR-SULTAN. QazAqparat – Allergııasy bar adamdardyń vaktsına alardyń aldynda neni eskergeni jón? Belgili allergolog-ımmýnolog Rafaıl Rozensonǵa Densaýlyq saqtaý mınıstrligi ótkizgen onlaın dáriste osyndaı saýal qoıyldy, dep habarlaıdy QazAqparat.
«Koronavırýs alǵash paıda bolǵan kezde allergııasy bar adamdardyń muryn jáne ókpe joldarynda, terisinde ashyq qozdyrǵysh oshaqtar bolǵandyqtan, ózgelerge qaraǵanda koronavırýs solar úshin kóbirek qaýipti degen qaýeset shyqty. Biraq keıin bárimizdi tańǵaldyrǵan málimet paıda boldy. Basynda bul týraly aqyryn ǵana aıtyp júrdi. Keıin senimdi túrde aıtyla bastady. Allergııasy bar adamdar koronavırýspen azyraq, jeńilirek aýyratyn bolyp shyqty. Allergııa degenimiz – jandy qorǵap, aýyr naýqastyń aldyn alatyn, kelgen aýrýdyń asqyndyrmaı, adamdy jansaqtaý bólimine túsiretindeı jaǵdaıǵa jetkizbeıtin faktor», - degen sarapshy bul tujyrymyn qarapaıym mysalmen túsindirdi.
«Koronavırýs adam aǵzasyna esik pen terezeden kiredi esepteıik. Koronavırýs úshin esik – ol ASE2 retseptory. Al tereze – serın proteazalary. Osy eki komponent te allergııasy bar adamdarda basqa adamdarǵa qaraǵandy jabyńqy bolady. ıAǵnı, tereze men esikte kúzet bar degen sóz. Balalar nege koronavırýspen sırek aýyrady degen suraqtyń jaýaby sııaqty bul da. Qysqasy, allergııasy bar adamdardyń aǵzasyna vırýstyń túsýi qıyn. Al balalarda bul aýrý nege jeńil ótedi desek, «esik» pen tereze» áli «oıylmaǵan»», - dedi allergolog.
Mamannyń aıtýynsha, allergııasy bar adam ekpe alardyń aldynda tyńǵylyqty daıyndyqtan ótýi kerek.
«Allergııasy bar adamdarǵa ekpeni qalaı salamyz? Óte naqty joly bar. Adamnyń densaýlyq kúıin barynsha turaqty qalypqa jetkizý kerek áýeli. Qýatty tásilderdiń kómegimen allergııa áserin joıyp tastaý qajet. Mysaly esekjem allergııasyna qalypty kezde antıgıstamınniń 1 tabletkasyn taǵaıyndasaq, qajet bolǵan jaǵdaıda retsept normasyn 4 esege kótere alamyz. Osylaısha adamnyń densaýlyǵyn turaqty qalypqa keltirip baryp, adamdy antıallergııalyq dıetaǵa engizip, dál osy kezde vaktsına egemiz», - dedi Rafaıl Rozenson.
Degenmen, dáriger vaktsına alatyn kúni antıgıstamın ishý kerektigi týraly resmı paıym joq ekenin eskertti.
«Resmı túrde ishýdiń qajet joq delinedi. Biraq men ózim vaktsınanyń eki komponentti salǵyzǵan kezde de sony ishtim. Áıelim men ata-anama da vaktsına egerdiń aldynda bir saǵat buryn solaı ishkizdim. Áıteýir bizdiń úıde eshkim vaktsınadan keıin keri áser sezingen joq», - dep túıindedi sarapshy.
