Allergııanyń sırek kezdesetin túrine shaldyqqan aǵylshyn boıjetkeni eki jyl boıy páterinen shyqpaǵan (FOTO)
ASTANA. QazAqparat - Sırek kezdesetin dert aǵylshyndyq boıjetken Eshlı Fısherdi eki jylǵa óz páteriniń tutqyny qyldy. Oǵan kez kelgen astyń ıisine qatty allergııa dıagnozy qoıyldy.
Eshlı Fısher oqyǵan kolledjdiń qasynda ornalasqan nan dúkeninen jańa pisirilgen toqashtyń ıisi shyqqan kezde, boıjetkenniń denesi qyzyl daqtarǵa tolyp, qaltyraı bastaǵan, tynysy tarylǵan.
Eshlı Fısherdiń kúndelikti ratsıonynda tek sábiz, tátti pııaz, baldyrkók jáne sarymsaq qana qaldy - boıjetkenniń aǵzasynda azyq-túliktiń osy tobyna reaktsııa baıqalǵan joq.
«Iisterden aýlaq júrý úshin, men únemi maska taǵyp, jatatyn bólmemde otyrdym», - degen boıjetkenniń sózderin keltiredi The Sun tabloıdy.
Eshlıdi jarty jyl boıy aǵzanyń oǵan bógde zatqa erekshe sezimtaldyǵyn joǵaltýy úshin desensıbılızatsııa ádisimen emdedi. Qarapaıym tilmen aıtqanda, boıjetkenge ádeıi arnaıy burqyraǵan jupar ıis berilgen jáne onyń mólsheri birte-birte ósirilgen. Jarty jyldan keıin Eshlı terezeni ashyp uıyqtaı alatyn bolsa, segiz aıdan keıin otbasymen birge bir ústel basyna otyra alatyn boldy.
