Allergııanyń qandaı túrinde koronavırýsqa vaktsına saldyrýǵa bolmaıdy
NUR-SULTAN. QazAqparat – Kópbeıindi medıtsınalyq ortalyq dırektorynyń orynbasary Sáýle Atyǵaeva allergııasy bar adamdardy vaktsıanalaý máselesine túsinik berdi, dep habarlaıdy QazAqparat.
«Anafılaktıkalyq shok nemese Kvınke isigi túrinde kezdesetin aýyr allergııalyq reaktsııalar vaktsınatsııaǵa qarsy kórsetkish bolyp esepteledi. Vaktsına komponentteriniń birine allergııa bolsa, ekpe salmaýǵa bolady. Sonymen birge qandaı da bir syrqattyń asqynýy kezinde vaktsına alýǵa bolmaıdy. Árıne, ekpe alǵysy kelgen ár adamǵa jeke nazar aýdarylýy kerek. Mindetti túrde, ýchaskelik terapevt nemese jalpy praktıka dárigeri patsıenttiń aǵzasynda vaktsınaǵa qarsy kórsetkishter bar-joǵyn anyqtaý úshin onyń medıtsınalyq kartasyn zerttep baryp sheshim shyǵarady», - dedi Sáýle Atyǵaeva Ortalyq kommýnıkatsııalar qyzmetinde.
Eske salsaq, ótken táýlikte Qazaqstanda 134 myń adam vaktsına alǵan.
