Allergııaǵa qarsy qandaı preparattardy retseptisiz alýǵa bolady

NUR-SULTAN. QazAqparat – QR Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraıymy Lıýdmıla Bıýrabekova allergııadan emdeıtin qandaı preparattardy retseptisiz alýǵa bolatynyn aıtyp berdi, dep habarlaıdy QazAqparat tilshisi.

«Antıgıstamındi preparattar týraly aıtar bolsaq, ambýlatorııalyq dári-dármekpen qamtamasyz etý boıynsha satyp alý tizimine enetinder – negizinen gormonaldy preparattar. Tynys demikpesi kezinde preparatty «Farmatsııa» SK jelisinen satyp alýǵa bolady. Al retsept boıynsha dárihanadan satylyp alynatyn preparattardyń barlyǵy kepildendirilgen tegin medıtsınalyq kómekke enbeıdi. Olardy halyq ózi satyp alady», - dedi Lıýdmıla Bıýrabekova.

Komıtet basshysynyń aıtýyna qaraǵanda, qazirgi tańda dári-dármekti retseptýralyq túrde taratý jumysyna baqylaý kúsheıtilgen.

«Patsıentterge qıyndyq týdyrmaý úshin alǵashqy shyǵarylymdaǵy antıgıstamın preparattarynyń bir bóligin retseptýralyq baǵyttan shyǵaryp jatyrmyz. Osylaısha, adamdar atalǵan preparatty kedergisiz satyp ala alady», - dedi ol.