Allaǵa óz pendeleriniń dene músheleri emes, rýhy kerek - Almaty qalasynyń ımamy
ALMATY. 27 tamyz. QazAqparat - Qazaqstanda qazir transplantatsııa jasaý ádetttegi jaǵdaıǵa aınala bastady.
Ony QR Densaýlyq saqtaý mınıstri Salıdat Qaıyrbekova búgin Almatyda A. Syzǵanov atyndaǵy Ulttyq hırýrgııa ǵylymı ortalyǵy dárigerleriniń tórtinshi retki baýyr aýystyrý operatsııasynyń nátıjesine baılanysty ótkizilgen telekonferentsııada aıtty.
«Operatsııanyń sátti jasalýymen ortalyq ujymyna óz alǵysymdy bildiremin. Sondaı-aq barlyq patsıentterdiń tezirek saýyǵyp ketýine tilektespin. Qazir Qazaqstanda da transplantatsııa jasaýǵa múmkindik bar. Oǵan bizdiń medıtsınalyq qyzmetkerlerimiz daıyn. Másele tek aýystyrýǵa qajetti organdardyń bolýynda», - deıdi S. Qaıyrbekova. Mınıstrdiń aıtýynsha, qazir jurtshylyqty donor bolýǵa úndeýde úkimettik emes uıymdarmen birlesken túrli is-sharalar júzege asyrylýda. Máselen Almaty qalasynyń ımamy juma namazy kezinde Allaǵa óz pendeleriniń dene músheleri emes, rýhy kerek ekenine namazhan qaýymnyń nazaryn aýdarǵan. Aldaǵy ýaqytta mundaı jumys Astanada da óz jalǵasyn tappaq.
