Alla Taǵala Elbasymyzǵa osy bir synaqty eńserýge kúsh-qýat bersin - Bas múftı
«Ózderińiz kóz jetkizip otyrǵandaı, elimizde juqpaly indettiń qaýpi tolyq seıilgen joq. Bul karantın rejıminiń talaptaryna baǵynyp, saqtyq sharalaryna asa mán berýimiz qajet degen sóz. Jasty da, úlkendi de aıamaıtyn koronavırýs derti Qazaqstan Respýblıkasynyń Tuńǵysh Prezıdenti - Elbasyn da aınalyp ótpegendigi jaıly habar jetti. Alla Taǵala dinimiz ben dástúrimizdiń janashyry Elbasymyzǵa shıpa bersin dep tileımiz. Koronavırýs ınfektsııasyna baılanysty oqshaýlanyp, emdelip jatqan el qamyndaǵy el aǵalary men barsha azamattarǵa jaratqannyń ózi jar bolǵaı! Alla Taǵala Elbasymyzǵa osy bir synaqty eńserýge kúsh-qýat bersin! Jaratqan jappar ıemiz jer betinen osy juqpaly indetti joıyp, qalypty ómir tirshiligine oralatyn kúndi jaqyn etkeı!» - dedi elimizdiń Bas múftıi.
Sonymen qatar, ol qasıetti kitabymyz Quranda «rasynda qıyndyqpen birge jeńildik bar, Alla senderge jeńildik qalaıdy» delingendigin atap ótedi.
«Barsha jamaǵatty osynaý qıyn sátte bir-birimizdi qoldap, elimizdiń amandyǵyn surap, juqpaly dertten tezirek aıyǵý úshin namazdarymyzdan keıin kóbirek ıstıǵfar men salaýat aıtyp, duǵa jasaýǵa shaqyramyn. Jaratqan Alla halqymyzǵa amandyq bersin! Naýqas jandardyń tezirek aıyǵyp ketýin tileımiz. Elimiz aman, jurtymyz tynysh bolǵaı! Alla taǵala qasıetti otanymyzdy indetten aman saqtap, tezirek jaqsy kúnderde jolyǵýdy barshamyzǵa násip etkeı!» - dedi Naýryzbaı qajy Taǵanuly.
