Alla Pýgachevanyń zeınetaqysy nebári 17 myń rýbl ǵana
ASTANA. QazAqparat - Keńestik jáne reseılik estradanyń ańyzǵa aınalǵan juldyzy ózinikindeı zeınetaqymen «bir jyl ǵana» júre alatyndyǵyn aıtyp, muńaıa ázildedi.
Anyqtalǵandaı, ómir boıy jınaǵan zeınetaqysy 17 myń rýbldi quraǵan. Onyń ózi Pýgachevanyń «KSRO Halyq ártisi» jáne Chernobyl AES-yndaǵy apattyń joıýshysy bolǵany úshin.
KSRO kezinde Alla Borısovna eń anshlagty kontsertteriniń ózine mólsherli aqsha alǵan, bir oryndaýy jeti jarym rýblden tússe, kontserti 47 rýbl 50 tıynǵa deıin baıaý ósken, dep jazady rambler.ru.
Óziniń qarapaıym kirisi jaıly Pýgacheva jaqynda ótken nemeresiniń úılený toıynda da eske salyp ótti. Aıta keterligi, bul toıǵa 25 mıllıon rýbl jumsalǵan.
«Meniń zeınetaqym azǵantaı ǵana, biraq taǵy bir jyl sozamyn!», - degen Alla taǵy bir jyl óziniń nemeresine qoldaý kórsete alatyndyǵyn aıtty.
