Alla Pýgacheva óz ólimi jaıynda oılana bastady
ASTANA. 5 qyrkúıek. QazAqparat - Reseı estradasynyń prımadonnasy «o dúnıesi» jaıynda oılana bastaǵan sekildi.
Alla Pýgacheva osydan birneshe kún buryn Máskeýdegi Kýzmın molasynan ózine ólgende jerlenetin jer satyp alǵan. Áıgili ánshiniń anasy da osy qabirhanada jerlengenin aıta keteıik. Baspasóz betterinde bul jaıyndaǵy aqparat biraz ýaqyt buryn taraǵan bolatyn. Alaıda, «Rıtýal» mekemesiniń baspasóz qyzmeti bul aqparattyń rastyǵyn kúni keshe ǵana rastady. Bul týraly BAQ.KZ jazady.
Baspasóz qyzmetiniń basshysy Dmıtrıı Korobtsovtyń aıtýynsha, bul áńgime shyndyqqa janasady jáne onda turǵan eshqandaı oǵash qylyq joq. Kez-kelgen sanaly adam jasy kelgen saıyn óziniń ólimi jaıynda jıi oılanady deıdi Korobtsov. Bul jaıyndaǵy tolyq aqparatty «Moskovskıı komsomolets» gazeti jarııalap otyr.
Týystarynyń janynda jerleý dástúri Reseıde ejelden qalyptasqan. Sondyqtan prımadonnanyń bul áreketine esh tańdanýdyń qajeti joq. Onyń ústine, osynaý molada Pýgachevanyń anasymen birge ákesi jáne baýyry da jerlengen eken. Al, ánshiniń ózi bolsa bul jaıtqa baılanysty áli eshqandaı pikir bildirgen joq.
Aıta keteıik, buǵan deıin keıbir basylym betterinde Alla Pýgacheva Ierýsalımdegi kóne evreı molasynan kór satyp alypty degen habar taraǵan edi.
