Alla Pýgacheva men Maksım Galkın egiz balaly boldy
ASTANA. 7 qazan. QazAqparat - Reseı sahnasynyń 64 jastaǵy sańlaǵy Alla Pýgacheva men onyń 37 jastaǵy joldasy Maksım Galkın balaly boldy. Juldyzdy jupqa sýrrogat ana egiz, ul men qyz týyp berdi, dep habarlaıdy RBK.
Maksım Galkın men Alla Pýgachevanyń otaý qurǵanyna 12 jyl boldy. Pýgachevanyń birinshi kúıeýden bir qyzy - Krıstına Orbakaıte bar, al Galkınniń resmı jarııalanǵan balasy joq.
Sábılerdiń týǵan kúnderi ázirge kópshilikke jarııalanbady. Baqytty ata-ana egiz balaǵa Lıza men Garrı degen esim berdi.
Egiz balany 9 aı kóterip, týyp bergen sýrrogat ananyń aty-jóni ázirge qupııa.
Alaıda osydan bir jyl buryn A.Pýgachevanyń ónerine tánti bolǵan 23 jasar áıel onyń balasyna sýrrogat ana bolýǵa nıetti ekenin bildirgen. Bul qyzmetin jas áıel 1 mln. rýblge baǵalady.
