Alla Pýgacheva búgin týǵan kúnin atap ótedi
ASTANA. 15 sáýir. QazAqparat - Búgin, 15 sáýirde, Reseı estradasynyń jaryq juldyzy Alla Pýgacheva týǵan kúnin atap ótedi,
dep habarlaıdy Reseı jańalyqtar qyzmeti.
Mereke Memlekettik Kreml saraıynda Krıstına Orbakaıteniń "Potselýı na bıs" atty jeke kontsertinde atap ótiledi. Jáne de, Orbakaıteniń ózi aıtqandaı, shoý kúni anasynyń týǵan kúnimen kezdeısoq sáıkes kelip qalǵan.
«Eshkim sene qoımas, biraq men 15 sáýirdi shynynda da kezdeısoq tańdap aldym. Kúzde jeke kontsert beremin dep uıǵaryp edim, al Memlekettik Kreml saraıynda is-shara ótkizýge bir jyl buryn keste jasalady. Onyń osy kúni bos bolýy jáı ǵana sáttilik. Taǵdyr talqysy bolsa kerek, jáne anam da bul sáıkestikti shyn júrekten quptady», - dep habarlaıdy ártistiń baspasóz qyzmeti onyń sózinen úzindi keltirip.
