Alla Elshisiniń (s.ǵ.s.) esimi berilgen ár sábıge 1 myń dollar tapsyrylady
ASTANA. 13 qańtar. QazAqparat - Ahmad-Hadjı Kadyrov atyndaǵy óńirlik qoǵamdyq qor dúısenbide ómirge kelgen balalardy Muhammed Paıǵambardyń (s.ǵ.s.) atymen ataǵan otbasylarǵa 1 myń dollardan bermek.
«Reseı Batyry Ahmat-Hadjı Kadyrov atyndaǵy óńirlik qoǵamdyq qor búgin týǵan balalardy Muhammed Paıǵambardyń (s.ǵ.s.), onyń otbasy músheleriniń nemese Alla Elshisiniń 10 sahabasynyń atymen ataǵan otbasylarǵa bir myń dollardan qarjy bólmek», - dep habarlanǵan Sheshenstan úkimeti saıtyndaǵy habarlamada.
Budan buryn osy jaıynda respýblıka basshysy Ramzan Kadyrov óziniń Іnstagram paraqshasynda jazǵan bolatyn.
Bul shara 13 qańtarda Muhammed Paıǵambardyń (s.ǵ.s.) týǵan kúnine oraı qabyldanyp otyr.
