Alqyzyl tústi shapaqqa boıalǵan keshki aspan elordalyqtardy tań qaldyrdy
NUR-SULTAN. QazAqparat – Nur-Sultandaǵy bir jarym kúnge sozylǵan nóser jaýynnan keıin kún batar tusta aspan alqyzyl túske boıalyp, elordalyqtardy tań-tamasha qaldyrdy, dep habarlaıdy QazAqparat tilshisi.
Kúni boıy jaýǵan nóser keshqurym ǵana tyıylyp, aspanǵa alyp kempirqosaq ilindi. Dál osy kezde kún batqan kókjıek alqyzyl ári altyn túske bólenip, mańaıǵa erekshe sáýle tarady. Kúni boıy kórinbegenimen saǵat toǵyz asa kún kózi jaryq shashyp, elordaǵa erekshe reń syılady.
Áleýmettik jelide elorda turǵyndary ártúrli sýretterdi taratyp jatyr. Elordanyń erekshe keshi qala halqyna keremet kóńil-kúı syılaǵan sekildi.
Eske sala ketsek búgin Nur-Sultan qalasynyń ákimdigi astanada bir túnde jańbyrdyń jarty aılyq mólsheri jaýǵany týraly málimet taratqan bolatyn. Qazgıdromettiń málimetinshe, maýsynyń 15-nen 16 qaraǵan túni 22 mm jańbyr jaýdy, aılyq mólsher – 37 mm . Bul aılyq mólsherdiń jartysynan kóbi. Qala kóshelerin sý basýyna jol bermeý úshin ákimdik nóserlik káriz qurylysy boıynsha júıeli jumys júrgizýde.
