Alkogoli az ishimdikterdiń jarnamasyna qaıta ruqsat berilýi yqtımal
«Telesaýdanyń damýyna baılanysty alkogoli az ishimdikterdiń jarnamasyna ruqsat berý máselesi qaralýda», - dep atap ótti vıtse-mınıstr QR Parlamenti Májilisinde bolǵan dóńgelek ústelde.
Onyń aıtýynsha, atalmysh zań aıasynda, budan da bólek aýqymdy máseleler qamtylatyn bolady. Atap aıtqanda, kólik syrtyndaǵy jarnamany jeńildetý, mádenı nysandarǵa ilingen jarnama úshin ákimshilik aıyppul qarastyrý jaıttary da qyzý talqylanyp jatyr.
Talqylaý barysynda birqatar qarama-qaıshylyqtar da tabylǵan. Qazirgi ýaqytta bul máselelerdiń barlyǵy múddeli taraptarmen tııanaqtalýda.
«Mańyzdy qarama-qaıshylyqtar anyqtaldy. Syrtqy jarnamany ilýge beriletin ruqsatty avtomobıl joldary boıynsha ulttyq operator beredi, úrdis júrip jatqanmen, zańda ornalastyrý jáne habarlamalar berý jóninde eshteńe aıtylmaıdy. Ol ruqsatty jarnama berýshi men jarnama ornalastyrýshy alýy kerek pa, ol da anyqtalmaǵan. Kórip otyrǵanyńyzdaı, búgingi tájirıbe ala-qula bolyp otyr», - dedi ol.
