Alkogolsiz sýsyndarǵa suranystyń 93% otandyq óndirýshiler qamtamasyz etedi
ASTANA. QazAqparat - 2018 jyldyń qańtar-aqpan aılarynda Qazaqstanda otandyq óndirýshiler alkogolsiz sýsyndarǵa suranystyń 92,8% qamtamasyz etken, dep habarlaıdy QazAqparat energyprom.kz silteme jasap.
Zertteýlerge sáıkes, 2017 jyly otandyq óndirýshiler suranystyń 93,2 protsentin qamtamasyz etti. Qazaqstannyń ishki naryǵynda sýsyndar satylymy bir jylda 21,4 protsentke ósken, ıaǵnı qazaqstandyqtar kóbirek sýsyn ishetin boldy.
Qańtar-naýryz aılarynda qazaqstandyq kompanııalar 239,7 mln lıtr alkogolsiz sýsyn óndirgen (bul kórsetkish byltyrǵy jylmen salystyrǵanda 9,1 protsentke kóp), sondaı-aq 125,2 mln lıtr mıneraldy sý (+25,9 protsent) shyǵarǵan.
2016 jyldyń qorytyndysy boıynsha, alkogolsiz sýsyn óndiretin óńirlerdiń arasynda Almaty oblysy (QR boıynsha úlesi - 62,3 protsent), Almaty (11,9 protsent) jáne Ońtústik Qazaqstan oblysy (8,9 protsent) kósh bastaǵan.
Mıneraldy jáne gazdalǵan sý óndirý boıynsha Ońtústik Qazaqstan oblysy (46,5 protsent), Aqmola oblysy (13,5 protsent) jáne Almaty (9,2 protsent) qalasy aldyńǵy qatarda tur.
