Alkogol iship, esirtki shegetin joǵary synyp oqýshylaryn anyqtaý júrgiziledi
Elimizde 14-18 jas aralyǵyndaǵy oqýshylar arasynda psıhıkaǵa belsendi áser etetin zattardy qoldanýdyń taralýyn baǵalaý boıynsha monıtorıng júrgiziledi. Bul týraly Májilis depýtattarynyń saýalyna Premer-Mınıstr Álıhan Smaıylovtyń jaýabynda aıtylǵan, dep habarlaıdy Kazinform.
«Psıhıkaǵa belsendi áser etetin zttardy qoldanýdan týyndaǵan psıhıkalyq minez-qulyq buzylýlarynyń klınıkalyq hattamalary 2023 jyly ázirlenýge jáne qaıta qaralýǵa jatatyn hattamalardyń basym tizbesine engizilgen. Bıyl psıhıkalyq minez-qulyqtyq buzylýlardyń 12 klınıkalyq hattamasy, onyń ishinde kámeletke tolmaǵan balalarǵa arnalǵan 7 klınıkalyq hattama (apıyndar, kannabınoıdtar jáne t.b. týyndaǵan) qaıta qaraldy. Qazirgi ýaqytta osy klınıkalyq hattamalar qorytyndy saraptamalyq baǵalaýdan ótýde, 2023 jylǵy qarashada olardy Densaýlyq saqtaý mınıstrliginiń Sapa jónindegi birlesken komıssııasy otyrysynda bekitý josparlanyp otyr», - dedi Úkimet basshysy jaýabynda.
Onyń atap ótýinshe, Úkimet Qazaqstan Respýblıkasynda nashaqorlyqqa jáne esirtki bıznesine qarsy kúres jónindegi 2023-2025 jyldarǵa arnalǵan keshendi jospardy (Úkimettiń 2023 jylǵy 29 maýsymdaǵy № 508 qaýlysy) (budan ári – Keshendi jospar) bekitti. Keshendi josparda «dınamıkalyq baıqaýda turǵan, «nashaqorlyq» dıagnozy qoıylǵan kámeletke tolmaǵan balalardyń jalpy sanynan uzaq remıssııamen dınamıkalyq baıqaýdan alynǵan kámeletke tolmaǵandardyń úlesin 2023 jyly – 15, 2024 jyly – 18, 2025 jyly 20 paıyz ulǵaıtý» ındıkatory kózdelgen.
«QR Densaýlyq saqtaý salasyn damytýdyń 2026 jylǵa deıingi tujyrymdamasynyń aıasynda(Úkimettiń 2022 jylǵy 24 qarashadaǵy № 945 qaýlysymen bekitilgen) alkogol jáne esirtki boıynsha Eýropalyq mekteptik zertteýler jobasynyń (ESPAD) ádisnamasy boıynsha 14-18 jas aralyǵyndaǵy oqýshylar arasynda psıhıkaǵa belsendi áser etetin zattardy qoldanýdyń taralýyn baǵalaý boıynsha monıtorıng júrgiziletin bolady», - dedi Premer-Mınıstr.
