Alkogol ishý koronavırýsty juqtyrýdan qorǵaı ala ma - maman jaýaby
NUR-SULTAN. QazAqparat - Alkogol adamdy koronarovırýs ınfektsııasynyń taralýy men juqtyrýynan saqtaı ala ma? Bul suraqqa Kardıologııa jáne ishki aýrýlar ǵylymı-zertteý ınstıtýty kúndizgi statsıonar meńgerýshisiniń mindetin atqarýshy, terapevt dáriger Gaýhar Qojakeeva jaýap berdi, dep habarlaıdy QazAqparat.
Adam aǵzasyna alkogoldiń keltiretin zııany týraly taqyryp ár kezde ózekti. Búkil álem COVID-19 pandemııasynan zardap shegip otyrǵan qazirgi ýaqytta bul taqyryp mańyzdylyǵyn joǵaltpady. Adamdardyń jekelegen toptary arasynda spırt pen alkogol koronavırýs ınfektsııasynan saqtaı alady degen pikir qalyptasýda. Bul pikirler ınfektsııa kezinde qoldy, qolmen ustalatyn zattardy spırt eritindisimen nemese quramynda spırti bar maılyqtarmen tazalaý qajettigi týraly nusqaýlarǵa súıene otyryp, alkogol ishimdikterin qabyldaǵan da durys degen oıǵa negizdelip otyr.
Biraq Gaýhar Qojakeevanyń aıtýynsha, atalmysh indetti emdeýde alkogol tıimdi degen pikirler qate.
«Spırtti eritindiler jáne quramynda spırti bar maılyqtar spırttiń ártúrli suıyqtyqtar men maılarda jaqsy erip ketý qasıetiniń bolýynan zattardy tazalaý úshin paıdalanylady. Sondyqtan, ony paıdalaný qorǵanýdyń basqa sharalaryna qaraǵanda tıimdirek. Spırttiń kómegimen qolmen lastanǵan, ıaǵnı teriden bólinetin, quramynda maıy bar zattar jaqsy tazalanady. Maılar mıkroorganızmderdiń taralýyna qolaıly orta bolyp tabylady. Sondyqtan da teriden bólinetin maılar spırtte tıimdirek eritiletin bolǵandyqtan, túrli medıtsınalyq manıpýlıatsııalar júrgizý kezinde spırt terini maılyqtarmen zalalsyzdandyrylady.
Búginde qaýipti ınfektsııany juqtyrýdan qorqý jaǵdaıynda keıbir adamdar alkogol ónimderin satyp ala bastady.
«Halyq emi» dep atalatyn ádisterde kóbine azdaǵan spırt qoldanylady. Alaıda olardyń quramy birneshe komponentten turady. Biraq taza kúıindegi alkogol adamdy koronarovırýs ınfektsııasynyń taralýy men juqtyrýynan saqtaı almaıdy», - deıdi dáriger.
G.Qojakeeva spırttiń joǵary kontsentratsııasy jáne joǵary dozasy vırýstardy joıa alatyndyǵyn joqqa shyǵarmaıdy. Alaıda bul ishimdikke qumarlyqty týdyra otyryp, adam úshin qaýipti bolatyndyǵyn esten shyǵarmaǵan jón.
«Osynyń saldarynan, tipti adam ólimi bolýy yqtımal. Koronavırýs sımptomdary aǵzanyń qatty ýlanýyna ákeledi. Al ishimdikti paıdalaný osy protsesti ýshyqtyrýǵa jáne aǵzanyń saýyǵyp ketýine keri áserin berýi múmkin. Alkogoldiń jartysy ókpe arqyly shyǵarylady jáne kez kelgen ınfektsııada, onyń ishinde koronavırýs ınfektsııasynda, ásirese onymen qosa shylym shegiletin bolsa, kerisinshe – asa qaýipti .
Osy keńes úı karantıninde jatqan adamdarǵa arnalǵan, sebebi halyqtyń bul bóligi de qazirgi kezde asa osal bolyp otyr. Alkogoldi paıdalaný júrekke qosymsha aýyrlyq túsiredi. Bul, adam densaýlyǵy úshin, onyń ishinde júrektiń toqtap qalýyna ákelip soqtyratyn qaýipti faktor. Sonymen qatar alkogol bakterııalar men vırýstardyń taralýyna qolaıly ortany qalyptastyrady, aǵzanyń túrli aýrýlarǵa qarsy turýyn azaıta otyryp, ımmýnıtetti álsiretedi.
Joǵaryda aıtylǵandardy qorytyndylaı otyryp, alkogol koronavırýs ınfektsııasynan qorǵaı almaıtyndyǵyn jáne olardyń adamnyń saýyǵýyna áser etpeıtindigin aıtqymyz keledi», - deıdi medıtsına mamany.
Sondaı-aq dáriger túshkirý, tamaqtyń aýrýy jáne jybyrlaýy, qurǵaq jótel, murynnyń bitýi, deneniń aýyrýy, dene qyzýynyń joǵarylaýy, tynys alýdyń qıyndaý belgileri paıda bolǵan jaǵdaıda shuǵyl túrde dáriger shaqyrýǵa keńes berdi.
