Alkogol iship, shylym tartqan adamnyń músheleri donorlyqqa alyna ma

NUR-SULTAN. QazAqparat - QR Ulttyq kardıohırýrgııalyq ortalyǵynyń basqarma tóraǵasy ıÝrıı Pıa donorlyq organdar týraly aıtyp berdi, dep habarlaıdy QazAqparat tilshisi.

«Biz zerthanalyq derekter arqyly organnyń klınıkalyq jaǵdaıyna qaraımyz. Eger organ jumys istep tursa, adamnyń ishimdik ishkeni nemese shylym shekkeni mańyzdy emes. Ásirese júrekke qatysty. Ókpede keıbir qıyndyqtar týyndaýy múmkin. Júrek pen ókpeniń jaı-kúıin baǵamdaýǵa kómektesetin arnaıy júıeler bar. Joǵary tehnologııalar arqyly júrek pen ókpeniń qandaı jaǵdaıda ekenin anyqtaı alamyz», - dedi ıÝrıı Pıa kardıohırýrgııalyq ortalyqta ótken baspasóz máslıhatynda.

Buǵan deıin ıÝrıı Pıa koronavırýstan qaıtys bolǵandardyń donorlyǵy týraly aıtyp bergen edi.

«Meniń jeke pikirim - ár naýqasty derbes qarastyrý. Organǵa muqtaj adamnyń sanaýly kúni qalsa, bul ota onyń uzaǵyraq ómir súrýine múmkindik berse, táýekel etý kerek. Bul - meniń jeke pikirim. Adam ómirin tipti 1 kúnge uzartýǵa múmkindik berse, bul múmkindikti paıdalaný kerek», - dedi dáriger.

Eske sala ketsek, Pavlodarda ınsýltten kóz jumǵan er adamnyń aǵza músheleri 5 adamǵa sátti aýystyryldy. Júrek 35 jastaǵy er adamǵa berilse, ókpe - 41 jastaǵy áıelge jańa ómir syılady. Odan bólek, qos búıregi elordanyń taǵy bir ortalyǵynda eki naýqasqa sátti ornalastyryldy. Al baýyr Almatydaǵy naýqasqa jiberildi .