Alkogolge aktsız qunynyń artýy kózdeletin zań jobasy jeltoqsanda Parlament qaraýyna engiziledi
ASTANA. 5 qarasha. QazAqparat - Alkogolge aktsız qunynyń artýy kózdeletin zań jobasy aǵymdaǵy jyldyń 10 jeltoqsanynda Parlament qaraýyna engiziledi.
Bul týraly búgin Úkimet otyrysynda QR Qarjy mınıstri Bolat Jámishev aıtty.
«Jarııa etilgen is-sharalar josparyna sáıkes biz bul zań jobasyn 10 jeltoqsanǵa deıin Májiliske engizemiz», - dedi B.Jámishev.
Onyń atap ótýinshe, bul qujat 2011 jyly daıyndalyp, Premer-Mınıstr keńsesine engizilgen bolatyn. Degenmen Keden odaǵy, Biryńǵaı ekonomıkalyq keńistik aıasynda qatysýshy elder naryǵyna alkogol ónimderin shyǵýyn qamtamasyz etý týraly kelisim ázirleý bastamasy kóterilgen. Keıinnen kelisim daıyndalǵannan keıin ózgertýler engizý úshin bul zań jobasyn talqylaýdan alyp tastaý sheshimi qabyldanǵan.
