Alkogol este saqtaý qabiletin joǵaltýdy jyldamdatady
ASTANA. 17 qańtar. QazAqparat - Kúnine 36 gramnan artyq mólsherde alkogoldi paıdalanatyn orta jastaǵy er adamnyń este saqtaý qabileti ishpeıtinderge qaraǵanda alty jylǵa erte tómendeıdi,
dep habarlady RBK.
Alkogoldi 20 gramnan az ishetinderde nemese burynnan ishimdikke salynǵandarda osyǵan uqsas ózgerister anyqtalmaǵan, dep jazady
«Biz alkogolmen áýestenýdiń er adamnyń kóptegen kognıtıvtik fýnktsııalarynyń jyldam tómendeýine ákeletinin anyqtadyq», - dedi osy jumystyń avtory, Ulybrıtanııadaǵy London Ýnıversıtettik kolledjiniń ǵalymy Severın Sabıa.
Tájirıbege 5 myń 54 er adam men 2 myń 99 áıel adam qatysqan. Olardyń alkogoldik ishimdikke degen áýestigi 10 jylda úsh ret tekserilgen. Qatysýshylar orta jasqa kelgende olarǵa eske saqtaý men oılaýǵa baılanysty úsh testiden ótýge usynys jasalǵan. Alkogoldik ishimdikke salynǵandardyń este saqtaý qabileti nasharlap, kúndelikti máselelerdi sheship, aqparatty meńgerýde qıyndyqtar týyndaǵan.
