Alkogoldi ishimdikterdi paıdalaný azaıǵan saıyn, aýrýlar sany da kemip barady - S.Qaıyrbekova
TANA. 24 tamyz. QazAqparat /Aıdar Ospanalıev/ - Sońǵy úsh jylda alkogoldi ónimderdi paıdalaný kórsetkishteriniń azaıýyna baılanysty onyń saldarynan týyndaıtyn aýrýlar sany 9 paıyzǵa kemidi.
Bul málimetterdi búgin Premer-Mınıstrdiń orynbasary Erbol Orynbaev basqaratyn Densaýlyq saqtaý jónindegi úılestirý keńesiniń XV májilisinde Densaýlyq saqtaý mınıstri Salıdat Qaıyrbekova jarııa etti.
Mınıstrdiń aıtýynsha, juqpaly emes aýrýlardyń taraý qaýpin arttyratyn faktorlardyń biri alkogoldi ishimdikterdi shekten
tys paıdalaný. «4-shi ulttyq zertteýlerdiń nátıjeleri boıynsha alkogoldi ishimdikterdi paıdalaný kórsetkishi elde 35,8 paıyzdy qurap otyr. Alkogoldi ishimdiktermen kúres zańnamalary elde birshama qataıtylǵanymen bul baǵytta áli de bolsa sheshilmegen máseleler bar jáne ol máseleni retteýge Densaýlyq saqtaý mınıstrliginiń quzyry jete bermeıdi. Alaıda bul jedeldetip sheshýdi qajet etetin problema»,-dedi S.Qaıyrbekova.
Onyń sózine qaraǵanda, alkogoldi ónimder áli de bolsa qoljetimdi, ıaǵnı olar emin-erkin satylýda. Sonymen qatar onymen kúreske baǵyttalǵan zań talaptary tıisti deńgeıde oryndalmaıdy jáne ishimdikter áli kópshilik oryndarda tutynylýda.
