Alkogoldi ishimdikter satylatyn dúkennen qoltyraýyn tabyldy
ASTANA. Qazannyń 4-i. QazAqparat - AQSh-tyń Nıý-Iork shtatyndaǵy Long-Aılendte ornalasqan alkogoldi ishimdikter satatyn dúkenderdiń birinde uzyndyǵy bir metr bolatyn qoltyraýyn tabyldy,
dep habarlaıdy Associated Press .
Janýarlardy qorǵaýshylar ony dúken qyzmetkerlerinen tárkilep, haıýanattar baǵyna jiberdi. Dúkenniń eki qyzmetkerine janýarǵa zańsyz ıelik etkeni úshin aıyppul salyndy.
Dúken ıesi - áıel azamatshanyń jýrnalısterge habarlaýynsha, onyń qol astyndaǵy qyzmetkerlerdiń biri osy janýarymen turatyn qandaı da bir turǵyn jaı tabylǵansha, janýardy dúkende ustaýǵa ruqsat suraǵan eken. Áıel dúkende ómir súrip jatqan janýardyń qoltyraýyn emes, alyp kesirtke ekenine senimdi edi.
Amerıkandyq eresek qoltyraýynnyń uzyndyǵy jynysyna baılanysty 3 metrden 4,5 metrge deıin bolady. Olar jyrtqyshtar, jabaıy tabıǵatta kóbine kishigirim sútqorektiler jáne baqa-shaıandarmen qorektenedi. Sonymen qatar, amerıkandyq qoltyraýyndar Florıda, Mıssısıpı, Lýızıana, Soltústik jáne Ońtústik Karolına shtattarynyń turǵyndaryna da jıi shabýyl jasap turady. Keı kezderi olardyń shabýylynyń sońy adam ólimine alyp keledi.
