Alkogol aǵzada qaýipti vırýstardyń taralýyna alyp keledi
ASTANA. QazAqparat - Alkogolge táýeldilik aǵzada qaýipti vırýstyq ınfektsııalardyń taralýyna alyp keledi, dep tujyrymdaıdy Amerıka Qurama Shtattarynyń medıtsına ǵalymdary. Bul týraly innov.ru. saıty jazýda.
Olar mundaı tujyrymǵa kelmes buryn alkogolge táýeldi azamattardyń baýyr jumysyn baqylaǵan. Zertteý nátıjesine sáıkes, alkogoldik ónimderdiń saldarynan baýyr jumysynyń buzylýyna baılanysty aǵzada vırýstardyń kóptep taralýy anyqtaldy. «Alkogol qandaǵy monotsıtterdiń fýnktsııasyn buzady. Bul birinshiden, aǵzanyń tabıǵı vırýsqa qarsy qyzmetiniń nasharlaýyna, ekinshiden, syrqattyń asqyný protsesine alyp keledi», - deıdi Massachýsets ýnıversıtetiniń professory Djıondjı Szabo.
