Álkeı Marǵulan atyndaǵy Arheologııa ınstıtýtyna birqatar mindet júkteldi
Memlekettik keńesshi Erlan Qarın Á.H. Marǵulan atyndaǵy Arheologııa ınstıtýtyna baryp, jumysymen tanysty.
Memleket basshysy Ulttyq quryltaıdyń ekinshi otyrysynda atalǵan ınstıtýttyń jumysyn jańǵyrtyp, onyń óz deńgeıinde qyzmet jasaýy úshin qajetti resýrstarmen qamtamasyz etý jóninde tapsyrma bergeni barshaǵa belgili.
Erlan Qarın ınstıtýttyń aǵymdaǵy jóndeýden ótken laboratorııalarymen, qor saqtaý qoımasymen, arhıvimen, kitaphanasymen tanysyp shyqty.
Munan keıin Memlekettik keńesshi Arheologııa ınstıtýtyna qatysty arnaıy jıyn ótkizdi.
Onda ınstıtýt dırektory Aqan Ońǵar mekemedegi problemalar men ony sheshý joldary jaıynda baıandady.
Jıyn sońynda Erlan Qarın Prezıdent tapsyrmasyn oryndaýǵa qatysty memlekettik organdarǵa birqatar naqty mindet júktedi.
