Alqabıler soty asa aýyr qylmys jasaǵan 3 azamatty 10-nan 16 jylǵa deıingi aralyqta bas bostandyqtarynan aıyrdy
ASTANA. 20 jeltoqsan. QazAqparat /Aıdar Ospanalıev/ - Alqabıler sotynyń sheshimimen asa aýyr qylmys jasaǵan 3 azamat 10-nan 16 jylǵa deıingi aralyqta bas bostandyqtarynan aıyryldy.
Bul týraly búgin jýrnalıstermen bolǵan brıfıngte Bas prokýratýranyń resmı ókili Jandos Ómirálıev málim etti.
Onyń sózine qaraǵanda, úsh azamat aldyn ala kelisim boıynsha jáne asa qanisherlikpen Lıýbov Kachanovany óltirip, osy qylmystyń kýási bolǵan Nadejda Saranchınany da o dúnıege attandyrmaq bolǵan. "Osyǵan baılanysty alqabıler soty aýyr qylmys jasaǵandary úshin Dáýren Nurazhan men Ashat Tarındi jáne Nına Sınelnıkovany 10, 12 jáne 16 jylǵa bas bostandyqtarynan aıyrdy", - dedi resmı ókil.
Sondaı-aq jaqynda sot Mıhaıl Eshýtkın atty azamatqa qatysty da úkim shyǵarǵan. Ol óziniń jymysqy áreketterin júzege asyrý úshin Astana, Qaraǵandy, Almaty, Atyraý, Óskemen, Qostanaı qalalarynda 120-dan astam jalǵan kásiporyndar qurǵan. Osy kásiporyndar arqyly zańsyz tabylǵan qarjyny zańsyz qolma-qol aqshaǵa aınaldyryp, memleketke 15 mıllıard teńge shyǵyn keltirgen. Osy qylmysy úshin Eshýtkın 6 jylǵa bas bostandyǵynan aıyryldy. «Prokýratýra organdary qoǵam arasynda úlken dúrligýshilik týdyrǵan osyndaı kúrdeli qylmystyq isterdi izdestirýdi basym baǵyttardyń biri retinde qarastyrady», - dedi J.Ómirálıev.
