Alqa bılerdiń qatysýymen ótken qylmystyq ister 64,3 paıyzǵa artty - 100 naqty qadam

ASTANA. QazAqparat - QR Prezıdenti Nursultan Nazarbaevtyń aıqyndaǵan «100 naqty qadam» Ult jospary aıasynda alqa bıler soty qoldanylatyn salalardy keńeıtý máselesi kózdelgen. Osyǵan baılanysty 2017 jyldyń basynan, ótken jyldyń sáıkes merzimimen salystyrǵanda, alqa bılerdiń qatysýymen qarastyrylǵan qylmystyq ister sany 64,3% artyp otyr, dep habarlaıdy QazAqparat.

«100 naqty qadamnyń» 21-qadamyn júzege asyrý baǵytynda qosymsha alqa bılerdiń qatysýymen sottardyń sottylyǵyna 5 quram engizilgen. Budan bólek, 2017 jyldyń basynan beri, ótken jyldyń sáıkes merzimimen salystyrǵanda, alqa bılerdiń qatysýymen qarastyrylǵan qylmystyq ister sany 64,3% artqan. Bul rette alqa bılerdiń qatysýymen sotqa jatpaıtyn isterdi shekteý saqtaldy. Olardyń qatarynda terrorıstik jáne ekstremıstik qylmystar, esirtki qylmystary, konstıtýtsııalyq qurylys negizderi jáne memleket qaýipsizdigine qarsy qylmystar bar. Obektıvti sebepter boıynsha isti bir alqa bıler sotynan basqa alqa bıler sotyna berý múmkindigi qarastyrylǵan.

Sonymen qatar, 22-qadam boıynsha aıyptalýshy jáne qorǵaýshy arasyndaǵy teńgerimdi qamtamasyz etý sharalary da oryndaldy. Bul rette sotqa deıingi is júrgizý kezeńinde sottyq baqylaý keńeıtilip otyr. Atap aıtqanda, sýdıaǵa qosymsha 4 tergeý isin sanktsııalaý berildi. Olar: qaraý, tintý, jeke tintý jáne alý.

Málimetterge qaraǵanda, 2017 jyldyń basynan tergeý sýdıalary sanktsııalaý týraly 20 907 materıaldy qarastyrǵan. Bul 2016 jyldyń sáıkes merzimimen salystyrǵanda 22% kóp.

Budan bólek, sotqa deıingi is júrgizý kezeńinde advokattardyń róli joǵarylatyldy. Adamnyń jáne azamattyń konstıtýtsııalyq quqyǵyna qatysy bar tergeý amaldaryn sanktsııalaýda olardyń mindetti túrde qatysýy qarastyrylǵan.