Alqa bıler soty ınstıtýty ózin tolyǵymen aqtady - A. Smolın
ASTANA. 13 qarasha. QazAqparat - Qazaqstandaǵy alqa bıler soty ózin tolyǵymen aqtady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Sýdıalar keńesiniń tóraǵasy Anatolıı Smolın málim etti.
Keńes tóraǵasynyń aıtýynsha, atalmysh ınstıtýttyń engizilýi sátti júrgizilip, jurtshylyq ádilsot tóreligine joldaýlarǵa belsendi qatysa bastaǵan. «Osy sanattaǵy isterdi qaraý barysynda aqtaý úkimderiniń shyǵarylý sany arta túsken. Álbette, buǵan bireýler razy, endi bireýleri kerisinshe. Degenmen, bul dál qoǵamnyń qatysýymen júzeshe asatyn ádilsottyń túri bolyp tabylady», - deıdi A. Smolın.
Sonymen qatar, Keńes tóraǵasy qazaqstandyq sýdıalar qaýymdastyǵynyń «Nur Otan» partııasymen sot bıliginiń ımıdjin arttyrý jónindegi ózara yntymaqtastyq týraly, sondaı-aq sot sheshimderiniń oryndalýyna baqylaý jasaý boıynsha memorandým jasaǵanyn atap ótti. «Bul sot óndirisine qoǵamdyq baqylaýdyń jáne bir túri. Degenmen, eń basty baqylaý formasy - bul buqaralyq aqparat quraldary», - dedi A. Smolın.
