Alqa bıler qaraǵan isterdiń 8,5 paıyzynda aqtaý úkimi shyǵarylady
«Sot tóreligi júzege asyryla bastaǵan 10 jyldyń ishinde alqa bıler úkim shyǵarylǵan 1285 qylmystyq isti qarap, 77 tulǵaǵa qatysty aqtaý úkimin shyǵardy. Jalpy, alqa bıler sotynda shyǵarylatyn úkimderdiń 8,5 paıyzy aqtaý úkimderi bolyp otyr. Bul óte durys. Sebebi, qylmystyq qýdalaý organdarynyń ustanymdaryn ár ýaqytta da qoldaı berýge bolmaıdy», - dedi ol Qylmystyq sot tóreligi máseleleri boıynsha quqyqtyq saıasatty zertteý ortalyǵynyń jyl saıynǵy keńesinde.
Onyń atap ótýinshe, qylmystyq qýdalaý organdary keı kezderi sotqa deıingi tergeý amaldary barysynda buzýshylyqtarǵa jol berip jatady.
Aıta keterligi, bul keńes quqyqtyq saıasatty damytý úshin ınnovatsııalyq qadamdardy jetildirýge jáne qoǵamdy jalpy demokratııalandyrý aıasynda quqyqtyq reformalardy júzege asyrýǵa, quqyqtyq sot tóreligi máseleleri boıynsha naqty sheshemderdi qabyldaý úshin memlekettik sektordyń azamattyq qoǵammen ózara qatynasynyń tıimdi quraldaryn jobalaýda ári quqyqtyq saıasatty qurý úrdisinde táýelsiz sarapshylar qaýymdastyǵynyń rólin arttyrýǵa baǵyttalǵan.
