Álııanyń izbasarlary Shmıdende júlde aldy
ASTANA. 14 naýryz. QazAqparat - Halyqaralyq kórkem gımnastıka federatsııasynyń uıymdastyrýymen ótetin týrnırge álemniń onnan asa memleketinen sportshylar qatysyp, júldegerlerdi anyqtaǵan bolatyn. Tuǵyr bıigine shyqqandar qatarynda qazaq qyzdary bar.
Germanııanyń Shmıden qalasynda kórkem gımnastıkadan halyqaralyq týrnır aıaqtalyp, qazaq gımnasshylary joǵary nátıje tirkedi, dep jazady alasharena.kz. Eresekter arasynda synǵa túsken Álııa Asymova doppen jattyǵýda 2-shi, kúrzimen (býlavy) jattyǵýda 3-shi nátıje tirkedi. Jalpy esepte ıAna Berezko Marggrander esimdi nemis qyzy birinshi oryndy jeńip aldy.
Jasóspirimder dodasynda jaqynda ǵana Máskeý jerindegi "Gran Prı" dodasynda tórtinshi oryn alǵan Aıdana Sarybaı synǵa túsip, kúrzimen (býlavy) jattyǵýda kúmis júlde ıelendi.
Aıdanadan bólek saıysqa túsken taǵy bir jerlesimiz Elızaveta Maınovskaıa shyǵyrshyqpen jattyǵýda úzdik úshtikti tuıyqtap, qola medal jeńip aldy.
