Álııa ıÝsýpova «Shymkent qalasynyń qurmetti azamaty» atandy

ASTANA. KAZINFORM — Qazaqstan gımnastıka federatsııasynyń basshysy Álııa ıÝsýpovaǵa Shymkent qalasynyń qurmetti azamaty ataǵy berildi. 

— Búgin Memleket basshysynyń Jarlyǵyna sáıkes, ekonomıka men qoǵamnyń damýyna sińirgen eńbegi úshin ártúrli salalarda adal qyzmet etip júrgen birqatar azamattarǵa nagradalar tabys ettim. Sonymen qatar sport salasyn damytýǵa jáne salaýatty ómir saltyn nasıhattaýǵa qosqan úlesi úshin Álııa ıÝsýpovaǵa «Shymkent qalasynyń qurmetti azamaty» ataǵyn tabystadym, — dep atap ótti Ǵabıt Syzdyqbekov.

Óz kezeginde belgili sportshy Shym qalanyń qurmetti azamaty ataný úlken abyroı jáne mártebe ekenin aıtty.

— Búgin, Shymkent qalasy ákimi Ǵabıt Syzdyqbekovtyń ókimimen «Shymkent qalasynyń qurmetti azamaty» atandym. Shyraıly Shym qalamyzdyń qurmetti azamaty ataný men úshin úlken abyroı jáne mártebe! Qala basshylyǵyna úlken rızashylyǵymdy bildiremin, — dep jazdy ıÝsýpova Instagram-daǵy paraqshasynda.

Aıta keteıik, Álııa ıÝsýpova — Qazaqstan Respýblıkasynyń eńbek sińirgen sport sheberi jáne eńbek sińirgen bapkeri. Ol eki ret Olımpıada oıyndarynda óner kórsetti. 2004 jyly Afınada ıÝsýpova júldeden bir qadam qalys qalǵan bolsa, 2008 jyly Beıjińde besinshi nátıje kórsetti.

Onyń basshylyǵymen úsh sportshy Olımpıada oıyndaryna joldama aldy. 2016 jyly Sabına Áshirbaeva, 2020 jyly Álına Ádilhanova, al 2024 jyly Eljana Tanıeva Olımpıadada óner kórsetti.

Kórkem gımnastıkadan Qazaqstan sportshylary Azııa chempıonattarynda, Azııa oıyndarynda jáne Álem kýbogy men Gran-prı kezeńderi sekildi bedeldi álemdik týrnırlerde júldeli oryndarǵa ıe boldy.

Álııa ıÝsýpova «Eren eńbegi úshin», «Álemdik deńgeıdegi gımnast» medaldarymen jáne «Qurmet», «Parasat» ordenderimen marapattalǵan.

Ol 2021 jyly Qazaqstan gımnastıka federatsııasynyń prezıdenti qyzmetine kelgen edi.

Al byltyr ıÝsýpova Qazaqstan gımnastıka federatsııasynyń basshysy qyzmetine qaıta saılandy.