Álııa ıÝsýpova ulttyq quramanyń bas bapkeri qyzmetinen ketti
ASTANA. KAZINFORM – Belgili sportshy Álııa ıÝsýpova kórkem gımnastıkadan Qazaqstan ulttyq quramasynyń bas bapkeri qyzmetinen ketti.
Bul týraly Á. ıÝsýpova Instagram áleýmettik jelisindegi paraqshasynda jarııa etti.
Eki birdeı Olımpıadaǵa qatysqan onyń málimdeýinshe, 2009 jyly sporttyq mansabyn aıaqtaǵan soń, ózin bapkerlik qyzmette synap kórgisi kelgen.
– Men ózim daıyndaǵan sportshyny Olımpıadaǵa shyǵaryp, sol oıyndarǵa bapker retinde qatysýdy maqsat ettim. 2012 jyly maǵan osyndaı múmkindik berilip, Qazaqstan quramasynyń bas bapkeri qyzmetine kiristim. Úsh Olımpıadada biz jaqsy nátıjeler kórsete aldyq. Úsh ret gımnasttardy tórtjyldyqtyń basty dodasyna daıyndaǵanyma óte qýanyshtymyn, - deıdi Á.ıÝsýpova.
Ol jaýapty qyzmette ózine senim artqany úshin Qazaq eline, basshylyqqa alǵysyn bildirdi.
– 2025 jyldyń qańtarynan bastap bas bapker qyzmetinen ketemin. Óıtkeni federatsııadaǵy jumysqa tolyqtaı kóńil bólgim keledi. Osylaısha, basqa bapkerlerge ózderin kórsetýge múmkindik berýdi jón kórdim. Barshańyzǵa sáttilik tileımin, - dedi Álııa ıÝsýpova.
Qazaqstan gımnastıka federatsııasynan túsken málimetke qaraǵanda, ıÝsýpovanyń jetekshiligimen qazaqstandyq gımnasttar halyqaralyq arenalarda tabysqa jetip, qurlyqtyq chempıonattarda, Azııa oıyndarynda jáne álemdik týrnırlerde birneshe medal jeńip aldy.
Eske sala keteıik, budan buryn kórkem gımnasıka sheberi Eljana Tanıevanyń sporttyq mansabyn aıaqtaǵanyn jazǵan bolatynbyz.