Álııa ıÝsýpova Qazaqstan gımnastıka federatsııasynyń basshysy qyzmetine qaıta saılandy
ALMATY. KAZINFORM – Almatyda Qazaqstan gımnastıka federatsııasynyń eseptik-saılaý konferentsııasy ótti. Oǵan Ulttyq Olımpıadalyq komıtetiniń bas hatshysy Álimjan Aqaev qatysty.
Konferentsııa barysynda federatsııanyń esepti kezeńdegi jumysynyń qorytyndylary shyǵarylyp, aldaǵy ýaqytqa arnalǵan damý josparlary men strategııalary talqylandy.
Kún tártibindegi basty másele sport uıymynyń prezıdentin saılaý boldy.
Konferentsııa qatysýshylarynyń biraýyzdan qabyldaǵan sheshimimen Álııa ıÝsýpova federatsııa basshysy qyzmetine tórt jyldyq merzimge qaıta saılandy.
- Ótken maýsym barlyǵymyz úshin sátti boldy. Bizdiń sportshylar keremet ári tarıhı nátıjeler kórsetti. Parıjdegi Olımpıada oıyndaryna alǵash ret gımnastıkanyń úsh túri: sporttyq, kórkem jáne batýttaǵy gımnastıkadan sportshylar qatysty.
Azııa oıyndary, Azııa chempıonattarynda jáne álem chempıonattarynda barlyq dıstsıplınalar boıynsha sportshylarymyz medal jeńip aldy. Sonymen qatar Narıman Qurbanovtyń 2024 jylǵy Olımpıadada alǵan tarıhı kúmisin erekshe atap ótkim keledi.
Sporttyq akrobatıka men aerobıkada otandastarymyz bizdi Azııa qurlyǵynda jáne álemdik jarystarda medaldarmen qýantty. Bizdiń tóreshiler Halyqaralyq gımnastıka federatsııasy (FIG) jáne Azııa gımnastıka odaǵy (AGU) komıtetteriniń quramyna endi.
Qazaqstanda gımnastıkany damytý – bul osy sport túrimen aınalysatyn árbir adamnyń eńbegi. Meıli ol balalar jattyqtyrýshysy, basshy, sportshy nemese Federatsııa ókili bolsyn, barlyǵynyń qosqan úlesi mańyzdy.
Biz sport túrlerin odan ári kúsheıtip, onyń halyqaralyq arenadaǵy ornyn nyǵaıta túsip, búkil el boıynsha mıllıondaǵan adamdy shabyttandyramyz. Senim bildirgenderińiz úshin raqmet, biz birge jańa jetistikterge jetip, gımnastıkany budan da tanymal sport túrine aınaldyra alamyz, – dedi ıÝsýpova qaıta saılanǵannan keıin.
Eske sala keteıik, Álııa ıÝsýpova 2021 jyly Qazaqstan gımnastıka federatsııasynyń prezıdenti qyzmetine kelgen edi.