Álııa ıÝsýpova Azııa oıyndaryna baratyn gımnasshylar týraly aıtty
Kórkem gımnastıkadan Djakartada ótetin Jazǵy Azııa oıyndaryna qatysatyn sportshylar belgili boldy, dep habarlaıdy QazAqparat.
Bul týraly Qazaqstan ulttyq quramasynyń bas bapkeri Álııa ıÝsýpova aıtty.
QR UOK-niń baspasóz qyzmeti habarlaǵandaı, bas bapker Azııa oıyndarynda kórkem gımnastıkadan Alına Ádilhanova, Adılıa Tilekenova, Selına Jumataeva, Daıana Ábdirbekovaǵa úmit artyp otyr.
Qazirgi tańda sportshylar óz qalalarynda jattyǵýda, al 1 tamyzdan bastap barlyǵy Shymkenttegi oqý-jattyǵý jıynynda bas qosady. Ulttyq quramanyń kóshbasshysy - Alına Ádilhanova.
Eske sala keteıik, Inchhondaǵy Azııa oıyndarynda kórkem gımnastıkadan Qazaqstan quramasy komandalyq esepte qola júldeger atanǵan bolatyn.
Foto: www.olympic.kz
