Álııa Nazarbaeva eko-saǵat ótkizdi
NUR-SULTAN. QazAqparat - Búgin elimizdiń barlyq mektepterinde QR Ekologııa, geologııa jáne tabıǵı resýrstar mınıstrliginiń bastamasymen birinshi ekologııalyq saǵat ótti, dep habarlaıdy QazAqparat tilshisi.
Jas urpaqty tabıǵı resýrstarǵa qamqorlyqpen qaraýǵa nasıhattaýǵa baǵyttalǵan sharany Qazaqstan Ekologııalyq uıymdary qaýymdastyǵy tóralqasynyń tóraǵasy Álııa Nazarbaeva da qoldaý kórsetip, elordadaǵy №83 mektepke bardy. Ol óz sózinde barlyq qoǵamdastyqty, qoǵam qaıratkerleri men bıznes ókilderin ekologııalyq saǵatqa qoldaý kórsetýge shaqyrdy.
«Osy sátten bastap búkil elimizde «Eko-saǵat» dep atalatyn aýqymdy jobanyń bastalǵandyǵyn atap ótkenime qýanyshtymyn. Osy jobanyń aıasynda bizdi qorshaǵan tabıǵatqa beı-jaı qaramaıtyn adamdarmen kezdesý uıymdastyrý josparlanǵan. Sonymen qatar biz tabıǵı resýrstarǵa qamqorlyqpen qaraýǵa úndeıtin arnaıy anımatsııalyq rolık te daıyndadyq. Oqý jyly boıy ekologııaǵa qatysty kóptegen álemdik merekeler ótedi. Sol sebepti munan keıingi ekologııalyq saǵattarda túrli baǵyttar qarastyrylady. Máselen, kún, jel, sý syndy balama energııa kózderin qalaı paıdalaýǵa bolatyndyǵy tóńireginde órbıdi», - dedi Á.Nazarbaeva.
Aıta keteıik, búkil elimizdiń mektepterinde ótken ekologııalyq saǵat barysynda 200 myńǵa jýyq aǵash otyrǵyzyldy.
