Jandy terbegen estelikter: Álııa Moldaǵulovanyń portreti

ASTANA. KAZINFORM – Kazinform agenttigi Ekinshi dúnıejúzilik soǵys jyldaryndaǵy arhıv sýretteri men olardyń «jandanǵan» nusqalaryn usynady.

Bul — Keńes Odaǵynyń batyry, mergen Álııa Moldaǵulovanyń portreti. 

Ol soǵys kezinde Ekinshi Baltyq maıdanynyń 22-shi armııasyna qarasty 54-shi atqyshtar brıgadasynda qyzmet etti. Efreıtor sheninde bolǵan. Á. Moldaǵulova 78 jaý sarbazy men ofıtserin joıǵan.

Aıta keteıik, Jeńistiń 80 jyldyǵyna oraı Prezıdent Teleradıokesheni erekshe jobany iske qosty. Kazinform agenttiginiń fotomuraǵatyndaǵy Ekinshi dúnıejúzilik soǵys jyldary kezinde túsirilgen sırek sýretter jańa tehnologııa kómegimen túrli túske boıalyp, qımyldaıdy.

Joba elimizdiń temirjol vokzaldary men áýejaılaryndaǵy LED ekrandardan kórsetiledi.

Al 5 mamyrda Astanadaǵy «Nurly jol» vokzalynda «QTJ» UK» AQ qoldaýymen «JEŃІSTІŃ 80 JYLDYǴY. KAZINFORM FOTOShEJІRESІ» atty fotokórme ashylady.

Aqtóbede Álııa Moldaǵulova mýzeıi jańardy. Álııa Moldaǵulovanyń týǵanyna 100 jyl jáne Jeńistiń 80 jyldyǵyna oraı mýzeı ishi zamanaýı tehnologııalarmen qaıta jabdyqtaldy.