Álııa Moldabekova munaı naryǵyndaǵy ahýal jaıynda túsindirdi
«Jalpy, jyl qorytyndysy boıynsha munaı baǵasynyń serpini áserli qalpyna kelýdi kórsetti, 2009 jyldan beri rekordty ósý qarqyny bir jylda +50,2% boldy. Eger 2020 jyly «qara altyn» naryǵynda negizgi dırıjer usynys, atap aıtqanda, OPEK+ alıansynyń kvotalary bolsa, 2021 jyly álemdik ekonomıkanyń birtindep qalpyna kelýine baılanysty fokýs suranys jaǵyna aýysty, bul ósýdiń negizgi qozǵaýshy kúshine aınaldy. Jyldyń sońǵy aıynda munaı baǵasy qarashadaǵy kúrt quldyraýdy rettedi, baǵa belgileýler bir barrel úshin 77,78 AQSh dollary deńgeıine deıin bir aıda 10,2%-ǵa qalpyna keldi», - dedi Álııa Moldabekova.
Onyń aıtýynsha, jańa «omıkron» shtamynyń barynsha jeńil belgileri týraly habar, sondaı-aq AQSh-taǵy munaı qorynyń tómendeýi munaı baǵasyna qolaıly áser etti.
«2022 jylǵy qańtarda munaı naryǵynda baǵanyń ósýi jalǵasty. OPEK+ alıansy buryn kelisilgen óndirý boıynsha táýligine +400 myń barrelge ulǵaıtýdy ustanýǵa sheshim qabyldady. Alaıda, ınvestorlar óndiristiń ósýi aldyńǵy aılarda kvotalarǵa sáıkes óndiristiń ósýine qol jetkize almaǵan Lıvııa, Nıgerııa jáne Reseı sııaqty elder esebinen bekitilgen lımıtterden artta qalady dep kútýde. Osy turǵydan baǵa belgileýler joǵary deńgeıde – bir barrel úshin 84 AQSh dollary bolyp tur», - dedi UB ókili.
