Álııa Myrzaǵalıeva «Agrarlyq nesıe korporatsııasy» AQ Basqarma tóraǵasynyń orynbasary boldy
ASTANA. KAZINFORM - «Agrarlyq nesıe korporatsııasy» AQ Dırektorlar keńesiniń 2026 jylǵy 1 qazandaǵy № 19 sheshimimen Myrzaǵalıeva Álııa Erbolatqyzy «Agrarlyq nesıe korporatsııasy» AQ Basqarma tóraǵasynyń orynbasary, Basqarma múshesi bolyp saılandy.
Bul týraly korporatsııanyń Facebook paraqshasynan málim boldy.
-Álııa Myrzaǵalıeva memlekettik jáne korporatıvtik basqarý, strategııalyq josparlaý, ekonomıkalyq saıasat salalarynda kóp jyldyq tájirıbesi bar. Memlekettik jáne salalyq baǵdarlamalardy ázirleýge jáne iske asyrýǵa, jobalyq basqarý tetikterin jetildirýge jáne aktıvterdi basqarý tıimdiligin arttyrýǵa qatysty,-delingen habarlamada.
Kásibı qyzmet jyldarynda memlekettik organdarda, kvazımemlekettik sektor uıymdarynda jáne «Báıterek» UIH» AQ qurylymynda basshylyq laýazymdar atqardy.
Jalpy eńbek ótili – 25 jyl, onyń ishinde memlekettik qyzmettegi ótili – 15 jyldan astam.
Osyǵan deıin ShQO Іshki saıasat basqarmasynyń basshysy aýysqany týraly jazdyq.
