Álisher Ýsmanov Ulybrıtanııa baılarynyń reıtıngin bastap tur
ASTANA. 22 sáýir. QazAqparat - Brıtandyq The Sunday Times basylymy «Metallınvest» qojaıyny ári «Arsenal» fýtbol klýby aktsııasynyń 30 paıyzynyń ıegeri Álisher Ýsmanovty Ulybrıtanııada bıznesin júrgizetin eń baı adam dep tanydy.
Magnattyń baılyǵy 13,3 mlrd fýnt sterlıngke baǵalanyp otyr, dep habarlady Ýtro. rý.
Ekinshi orynǵa burynǵy Keńes odaǵynda dúnıege kelgen, búginde amerıkandyq kásipker, Warner Music ıegeri Leonard Blavatnık 11 mlrd fýnt qarjysymen taban tiregen. Ulybrıtanııa baılarynyń úshtigin Londonda ornalasqan konsortsıýmnyń ıgereleri aǵaıyndy Shrı men Gopı Hındýdja tuıyqtap tur. Olardyń baılyǵy 10,6 mlrd fýntqa baǵalanǵan.
Taǵy bir reseılik Roman Abramovıch The Sunday Times reıtınginde 9,3 mlrd fýntpen besinshi orynǵa turaqtaǵan.
