Álisher Kárimovtiń sýreti bar latvııalyq poshta markasy shyqty
ASTANA. QazAqparat - Latvııalyq poshta bıyl «Jańa tolqyn-2014» baıqaýynda Qazaqstan atynan shyǵatyn ánshi Álisher Kárimovtiń sýreti bar marka shyǵardy, dep jazady kaztv.kz.
«Konkýrs uıymdastyrýshylary meniń sýretim bar poshta markasyn shyǵardy. Sondaı-aq, búgin men jeke ómirim týraly alǵash ret ata-anama hat jazdym», - deıdi ánshi ózińniń shaǵyn blogynda. Sózine dálel retinde Álisher áleýmettik jelilerge markanyń sýretin jáne ata-anasyna arnalǵan hatty ustap turǵan fotosyn jarııalaǵan.
Baıqaýǵa qatysýshylardyń sýreti bar marka shyǵarý dástúrin Latvııa konkýrs aldynda únemi uıymdastyrady.
Eske sala keteıik, baıqaý shilde aıynyń 22-27 aralyǵynda Latvııanyń ıÝrmala qalasyndaǵy «Dzıntarı» kontsert zalynda ótedi. Oǵan álemniń 13 elinen 16 ánshi qatysady.
Halyqaralyq konkýrsty «Qazaqstan» Ulttyq telearnasy tikeleı efırde kórsetedi.
