Álisher Kárimov jankúıerlerine daýys berýdi ótindi
ASTANA. QazAqparat - Bul kúnderi ıÝrmalada «Jańa tolqyn - 2014» baıqaýyna qatysyp jatqan qazaqstandyq ánshi Álisher Kárimov tvıtterde sms-daýys berýdi ótinip, jankúıerlerine habarlama jazdy.
«Dostar! Qoldaý bildirgenderińe rahmet! Men Otanymnan alysta bolsam da, muny qatty sezindim. Myna fotoda sms-daýys berý úshin mátin men nómir bar. Ádilqazylar músheleriniń baǵalaýynan tys kórermenderdiń daýysy da asa mańyzdy. Inshallah! Jeńisti kúnderde jolyǵaıyq! Kóp rahmet». Ánshi áleýmettik jelilerdi paıdalanýshylarǵa osyndaı ótinishin bildirdi.
Jaýap retinde Á. Kárimovtiń jankúıerleri oǵan belsendi daýys beretinderin aıtty. Budan buryn habarlanǵandaı, baıqaý sheńberinde kórermen kózaıymy júldesine daýys berý bastaldy. Ol 23-27 shilde aralyǵynda ótedi.
